LA CIGALO ET LA FOURNIGO
Parodie patoise de la fable de La Fontaine. par Antoine Bigot
Y'a moun cousin Tiblo Guèto Savès ? lou qué resto ou Claou ; L'aoutre soir, véngu'à l'oustaou : Es pér aqui'n paou pouèto... S'assétè ou cantoun dou fiò. Pér nous ésclarci la visto, Moustéjavian quaouqui cò ; Ma fénno éndourmié soun misto, Yiou fumavo moun brulò. La véyado éro agréablo Car non mouquavian souvèn... « Foou qué té conte uno fablo Sou-dis moun cousin . » - Tan bèn, Mai qué dure pa longtèm. Ma fénno mé régardavo Embé d'yeul mita bara, Badayavo et roundinavo : « Es tar, foou s'ana coucha! » -Tantiya qué Tiblo-Guèto, Qu'èro déjà dré, s'assèto. Après agudre toussi, Escoula soun gò, 'scupi, Fréta si bouco, - san rire Countè cé qué voou vou dire : - La Cigalo, ou sourél vïou, Avié canta tou l'estïou ; Mai ségué bèn badinado Quan vénguèroun li jalado : Yé réstavo papu rèn Pér métre souto sa dèn. Vaï trouva din sa cassino La Fournigo, sa vésino, En yé disèn : Bayo-mé, Péchaïre ! quaouqui crousté ; Ou bèou tèm véndraï té rèndre Toun pan du pér dé pan tèndre. Presto-mé quicomé, vaï, Bèn ségu qué t'ou réndraï La Fournigo, és pésco-mouno, Dono pa lou lar i ca Quan l'aoutro aguè proun parla, La toiso et yé dis : Capouno ! Dé qué fasiès din l'éstïou, Assétado sus toun quïou ? - A sis yeul mandan soun alo, Euh ! yé réspon la Cigalo, Gneuch et jour, d'amoun, d'aval, Parlan pér réspé, cantave… - Cantaves, yiou travayave : Eh bèn! yiou, faï d'éntréchal ! Save pas léji, mai crése Qué cé què vous aï counta Es pa Jamaï arriva... Qué lou diable mé désgrése Sé jamaï bestio a parla ! Mai tout acô nou faï veire Qué y'a toujour dé savan Qué voudrien nou faïre creire Qu'un poilo es uno sartan, Et qué cé qu'és négre és blan. Foutraou ! nou fan la moralo ; Nou disoun qué la Cigalo Déou pa canta diii l'éstïou... - Sacrébïou ! Digas-mé dé qué pò faïre ? Gachas, mé donoun la maïre Quan lis éntènde parla En disèn : Foou travaya ; Lou traval sourtis d'afaïre. - Oï, mai restoun san rèn faïre.. . Bando dé rascas, sufi Qué chimaroun dé papi, Crésoun dé faïre marmando ! Yiou, ma scienço és pa grando ; Mai, ma fé ! n'én save proun. Rise, én vésèn dé coudoun Qué sé donoun tan dé péno, Qué sé sécoun li poumoun Pér saoupre dé qué ?... Lou noum Dou maçoun Qué bastiguè lis Arèno ! Gachas, én fé dé savan, Parlas-mé di rachalan. Naoutri, pétar dé sor ! éscrivèn sus la tèro Embé nosti béchar, dé famous caratèro. Fasèn la grosso, és vraï ; mais nosto plumo, oumèn, Dono dé pan pér l'ome, et pér l'ase dé brén Crése qu'és pa bésoun d'agudre fa si classo Per foïre uno oulivédo et pér manja sa biasso. Travayén, faguén bèn, simén quaouqui bouyon, Et piei, vosti savan, soun .. mé taïse, gna proun.
Antoine Bigot |